Анонс мероприятия
Сябры!
Што для вас значыць "пачуццё дому"? Ці задумваліся вы над гэтым? Наколькі шырокае гэтае паняцце для вас? Што вы ў яго ўкладваеце?
Прапануем паразважаць над гэтым разам з новай відэападборкай спектакляў ад РТБД.
З 1 сакавіка па 15 красавіка вы зможаце паглядзець спектаклі "Альпійская балада", "Карней" і "Паляванне на сябе" і ўбачыць, наколькі розным можа быць пачуццё свайго Дому.
спектакль "Паляванне на сябе" (запiс 2023 года)
не камедыя
Жыў-быў чалавек з прозвішчам Зілаў. Звычайны чалавек са звычайным прозвішчам. І была ў яго звычайная жонка. Як раптам… ён атрымаў кватэру! Здавалася б, усё ў яго павінна быць добра. Але ён аказваецца замураваны ў лабірынце ўласнай свядомасці. А ў лабірынце гэтым шмат квэст-пакояў, дзе яго чакаюць жонка, палюбоўніца, сябры. З кожным крокам Зілаў заблытваецца ўсё больш. Ці знойдзе ён выхад?
Спектакль “Паляванне на сябе” пра тых, хто лічыць сябе дарослым, а на справе аказваецца дзіцём, якое ўпершыню патрапіла ў такі квэст-пакой уласнага жыцця.
Стас Жыркоў аб спектаклі: “Часцей за ўсё гэту гісторыю разглядаюць як вельмі бытавую, але на самой справе ў п’есе закладзены небытавы ход. І менавіта таму мне цікава паглядзець на гэтага аўтара зараз, бо час дае розныя магчымасці для працы на сцэне. Што гэта будзе? Адказваю проста: гумар, гумар, гумар і яшчэ раз гумар, толькі смеху будзе станавіцца не больш, а менш. Не заўсёды чалавек смяецца тады, калі хоча…
Акцёры РТБД – фантастычныя. Іх рашучасць, апантанасць тэатрам, іх жаданне быць лепш – усё гэта дапаможа спектаклю стаць не проста “Паляваннем на сябе”, а “Дзікім паляваннем на сябе!!!””
Будзем удзячныя вам, шаноўныя гледачы, калі вы падзеліцеся сваімі думкамі з намі ў сац.сетках. Дзякуй, што выбіраеце РТБД, анлайн і афлайн. Гэта – сапраўдная каштоўнасць!
