"Камень дурасцi"

Event announcement

Сябры!

Як звычайна на пачатку месяца мы запускаем для вас новыя відэапаказы нашых спектакляў.

У сакавіку мы вырашылі паказаць спектаклі на любы густ. У нашай падборцы: «Паляванне на сябе», «Камень дурасцi», «Бiлет на брэсцкi цягнiк» I «Адэль».

Выбірайце тое, што цікава вам, і даследуйце новыя тэмы разам з намі.

«Камень дурасцi» (запiс 2022 года)

драма

Сумесная пастаноўка Рэспубліканскага тэатра беларускай драматургіі, Міжнароднай канфедэрацыі тэатральных саюзаў і Рэгіянальнага грамадскага фонду падтрымкі Міжнароднага тэатральнага фестывалю імя А. П. Чэхава

Папулярным сюжэтам у карцінах нідэрландскіх мастакоў Сярэднявечча з’яўлялася “выдаленне каменя дурасці”, згодна з якім хірург нібыта вылечвае пацыента ад дурасці. У галандскай жа мове “выразаць камень” азначае падмануць, таму дзеянне на карцінах нагадвае больш шарлатанства, чым сапраўдную хірургічную аперацыю.

Сучасная гісторыя беларускага драматурга Канстанціна Сцешыка – гэта меланхалічныя сцэны з жыцця чалавека, які перанёс складаную аперацыю на галаўным мозгу. Пазбавіўшыся свайго “каменя дурасці”, галоўны герой Раман пачынае востра адчуваць бессэнсоўнасць таго, што адбываецца ў яго жыцці і навокал. Здаецца, так было заўсёды: блізкія, што падманваюць сябе, прапаведуючы чужыя ім “правілы жыцця”, пустыя сустрэчы, размовы. Толькі цяпер гэта стала больш відавочным і невыносным.

Чым для Рамана з’явіцца “камень дурасці”? І ці толькі ў негатыўным кантэксце магчыма яго прачытанне?

Аўтар: Канстанцін Сцешык

Рэжысёр – Дзмітрый Зімін

Мастак – Алена Ігруша

Кампазітар – Аляксандр Сітнікаў

Пераклад – Марыя Пушкіна

Прэм’ера: 26 сакавіка 2022 года

Дзякуй, што працягваеце пазнаваць сябе праз спектаклi РТБД. Гэта вельмі важна для нас! Мы рады быць побач.