"Калека з вострава Інішман"

Event the event в Minsk

Традыцыйна напачатку новага месяца РТБД абнаўляе свой відэарэпертуар, каб у вас была магчымасць паглядзець ці перагледзець свае любімыя спектаклі.

У кастрычніку прапануем вам 3 спектаклі па п’есах замежных аўтараў. “Вецер шуміць у таполях”, “Калека з вострава Інішман” і “Махляры”. Здаецца, гэта добрая падборка, каб і пасмяяцца, і паглыбіцца ў роздумы пра жыццё.

Спектакль "Калека з вострава Iнiшман" (запіс 2021 года). 

трагікамедыя ў дзвюх дзеях 

Сучасны ірландскі драматург Марцін МакДонах – гэта “сапраўдная сенсацыя тэатральнай Еўропы”, “цуд сучаснай сцэны”, “Таранціна ад тэатра”. Менавіта так называюць яго самыя строгія крытыкі Старога і Новага свету. 

“Калека з вострава Інішман” – першая п’еса з трылогіі ірландскага тэатральнага Таранціна. Пра што гэта гісторыя ў рэжысёрскім прачытанні Аляксандра Гарцуева? Пра нас. Пра тое, што нашыя ўчынкі не заўсёды могуць раскрыць багацце ўнутранага свету. Пра пытанні, якімі кожны з нас задаецца. 

Пра адчуванне прыгожага сябе, нават калі знешне ты з’яўляешся абсалютна агідным. Пра моц пры пакалечаным целе. 

Пра жыццё, якое мае права на існаванне, нават калі хочацца ад яго збегчы…

РТБД працягвае дарыць вам #сапраўдныяэмоцыі, афлайн і анлайн. Дзякуй, што застаяцеся з намі на адной хвалі!