"Беларусь.Дыдактыка"

Event the event в Minsk

У новым “сезоне пазнанняў” РТБД працягвае добрую традыцыю – знаёміць вас са сваімі спектаклямі не толькі непасрэдна ў тэатры, але і ў відэафармаце.

Напачатку верасня ў нас атрымаўся крыху вучэбны настрой, таму прапануем вам “тэатральную школьную праграму” і магчымасць з новага боку адкрыць творы беларускіх класікаў.

Напрацягу месяца ў вас будзе магчымасць паглядзець спектаклі “Альпійская балада”, “Беларусь. Дыдактыка” і “Карней”.

Спектакль "Беларусь. Дыдактыка" (запiс 2017 года) 

дарога да сябе

Вучонае, дастаткова неэмацыйнае слова “дыдактыка” тут выступае ключом да таго, як адчуць прыгажосць роднай мовы і закахацца ў яе. Душа гэтага спектакля – народная артыстка Беларусі Таццяна Рыгораўна Мархель. У спектаклі праз творы класічнай беларускай літаратуры, праз фальклор, песні, якія яе маці калісьці напявала ёй, Таццяна Рыгораўна ў суправаджэнні выдатнага музыкі Дзмітрыя Лук’янчыка дзеліцца сваім вопытам, разважаннямі аб сваім месцы ў свеце, аб адносінах з людзьмі, рэчаіснасцю, прыродай, сваім народам.

Дзякуй, што застаяцеся на хвалі #сапраўдныхэмоцый разам з РТБД. Гэта сапраўды вялікая каштоўнасць для кожнага з нас!