Анонс мероприятия
У “сезоне скарбаў” РТБД працягвае знаёміць вас са сваёй відэаскарбонкай – архівам спектакляў тэатра розных часоў. Са спектаклямі, якія вы можаце пераглядаць мільён разоў, як і мы!
Да канца гэтага тэатральнага сезона (то-бок да 12 ліпеня) прапануем вам спектаклі “Бетон”, “Тэсты для дарослых” і “Сталіца Эраўнд”. Падаследуем разам тэму зносін паміж людзьмі ў гарадской прасторы.
“Тэсты для дарослых”
камедыя
Пастаноўка Святланы Навуменка “Тэсты для дарослых” паводле п’есы добра вядомага ва ўсім свеце харвацкага драматурга Міра Гаўрана “Не да смеху” прапануе іранічную і адкрытую размову на класічную тэму – як захаваць каханне і павагу ў сям’і.
Падчас спектакля глядач стане саўдзельнікам працэсу першаснай тэрапіі, пройдзе папулярныя псіхалагічныя тэсты і адчуе сябе часткай гэтай парадаксальнай гісторыі.
“Тэсты для дарослых” – тэрыторыя, дзе і акцёры, і гледачы змогуць не баяцца быць сапраўднымі, не заганяць сябе ў рамкі, а ў агульным патоку энергіі пражываць пачуцці, што ўзнікаюць у моманце, тут і зараз. Калі вы гатовы да нечаканых псіхалагічных адкрыццяў і да размовы з гумарам на сур’ёзную тэму адносін, праходзьце “Тэсты для дарослых” разам з РТБД!
Мы жадаем вам прыемнага прагляду і запрашаем вас дзяліцца з намі тымі спектаклямі-скарбамі, якія вы хочаце ўбачыць падчас нашых вакацый. Рады быць з вамі афлайн і анлайн!
