Анонс мероприятия в Минске
РТБД абнаўляе свой відэарэпертуар і прысвячае яго 80-годдзю Перамогі ў Вялікай Айчыннай вайне. З 1 па 31 мая вы можаце паглядзець спектаклі "Альпійская балада" і "Хатыня", якія аб’яднаны тэмай захавання чалавечнасці падчас вайны.
спектакль "Альпiйская балада" (запiс 2022 года)
ваенная аповесць
Пачуўся роў сірэны… аўтаматная чарга, сабакі… Няўжо атрымалася? Няўжо сапраўды Іван і Джулія змаглі вырвацца з фашысцкага пекла сярод Альпаў? Але што далей? Холад, крыху хлеба на дваіх. Смерць? Не! Варта бегчы, толькі бегчы, каб выжыць, галоўнае – выжыць, каб быць шчаслівымі.
Спектакль “Альпійская балада” паводле аднайменнай аповесці класіка беларускай літаратуры Васіля Быкава – гэта далікатна-кранальная гісторыя кахання, захавання міласэрнасці і чалавечага гонару ў жудасных і бесчалавечных абставінах. А таксама гэта разважанні аб тым, чаму людзі цкуюць, знішчаюць і гвалтуюць адзін аднаго.
У спектаклі, створаным па ваеннай аповесці, арганічна спалучаюцца пластыка, відэакантэнт і абсалютна натуральны спосаб існавання акцёраў на сцэне.
Рады быць вашым правадніком #сапраўдныхэмоцый, афлайн і анлайн. Дзякуй, што вы падзяляеце іх з намі. Гэта вялікая каштоўнасць для нас.
