BezKassira.by uses cookies to work and improve the service. Read more about this on the cookie information page (файлах cookie). By clicking "I ACCEPT" or continuing to use our site, you agree that we may place cookies.Accept
Канцэртная прэм'ера новага музычнага праекту ад парталу TuzinFM "(Не) расстраляная паэзія.1937-2017"
Share with friends
Event announcement in Minsk
Удзельнікі праекту стварылі песьні на вершы паэтаў, якія былі ў 1937 годзе. Кожны ўжо абраў «свайго» паэта. Гурт Naka, напрыклад, напіша музыку на адзін з твораў Валерыя Маракова, рэпэр Vinsent — Зяму Піваварава, TonqiXod узяў Тодара Кляшторнага, а Pomidor/off — Майсея Кульбака. Усяго будзе прэзэнтавана 12 новых кампазыцыяў ад 12 выканаўцаў.
«Мы не дамо сьцерці з народнай памяці творы і твары беларускіх паэтаў Расстралянага Адраджэньня. З дапамогай нашага праекту мы хочам сказаць, што хоць аўтары і расстраляныя, іх творчую спадчыну зьнішчыць немагчыма, — зазначае кіраўнік праекту Сяргей Будкін. — Мы аддаем даніну павагі паэтам і ўключаем іх творчасьць у сучасны культурны кантэкст: іх вершы амаль праз 100 гадоў пасьля іх напісаньня стануць песьнямі. І каб усё атрымалася прыгожа і якасна, мы заклікалі падтрымаць праект кожнага, каму неабыякавая гэтая тэма».
Адмыслова да праекту рэжысэр Арцём Лобач зрабіў прома-ролік, у якім зьняліся Павал Харланчук, Андрэй Саўчанка і Алена Гіранок.
Канцэртная прэзэнтацыя праекту адбудзецца 29 кастрычніка 2017 году — роўна праз 80 гадоў пасьля той жахлівай ночы, калі ў турме наркамату ўнутраных справаў БССР былі расстраляныя 130 прадстаўнікоў беларускай інтэлігенцыі.
Праект быў рэалізаваны дзякуючы падтрымцы слухачоў на платформе Talaka.by. Тыя, хто падтрымаў праект, атрымаюць запрашэньне на прэм’еру.
Увага! У продажы будуць толькі 100 квіткоў. У дзень імпрэзы квіткі прадавацца ня будуць.